El Principín

Esta ye la historia d’un rapaz que dexa’l so asteroide B 612 y a la so rosa querida pa dir a conocer otros planetes y seres, como’l negociante, la culuebra, el xeógrafu o l’allabanciosu, ente más otros. Pero lo que daveres conoz El Principín nel so viax ye’l mundo de les persones mayores, el desafíu de medrar.

Nel so pasu pela Tierra, atopa al narrador que mos cuenta esta novela: un aviador perdíu nel ermu. Y dempués d’anda qu’andarás pente’l sable, los cuetos y la nieve, atopa, por fin, un denderucu. En pasando’l xardín, debaxo’l manzanal, apaez una rapiega que-y cambia pa siempre la manera de ver les coses: lo esencial nun se ve colos güeyos.