L'Academia
La institución
Inicio | L'Academia | La institución
Institución
L'Academia de la Llingua Asturiana (ALLA) ye una institución del Principáu d'Asturies. La so creación, al traviés d'un Decretu del Conseyu Rexonal (ente preautonómicu), nel añu 1980, enllaza cola tradición asturianística y resuelve una vindicación científica hasta entós frustrada. Naquel Decretu 33/1980, de 15 d'avientu, sobre la creación de l'Academia de la Llingua Asturiana, lléese:
Coles mesmes, l'Academia naz cola voluntá de servir a la sociedá asturiana dende'l rigor científicu, la normalización cultural y la defensa d'un patrimoniu compartíu.
«Fai cuasi dos sieglos, Xovellanos, nel so discursu a la Real Academia de la Historia, falaba de la necesidá d'una Academia Asturiana que tuviera por oxetu l'estudiu de la llingua del país.»
Decretu 33/1980
Oxetivos
Finalidá y llabor
Los Estatutos de l'ALLA indiquen que la codificación, la normativización y la estandarización de la llingua asturiana son los sos oxetivos.
D'alcuerdu a la Llei d'Usu y Promoción del asturianu, del añu 1998, l'ALLA ye un muérganu consultivu y asesor de l'Alministración del Principáu d'Asturies. Coles mesmes, nos Estatutos de l'ALLA ta prevista la collaboración col Principáu d'Asturies y, nel so casu, con otros poderes públicos, en función consultiva y asesora en materia de llingua, iguando los informes y dictámenes que correspuendan.
Acordies colo anterior, el llabor de l'ALLA dedícase a:
- Investigar y formular lleis gramaticales de la llingua asturiana y de les sos variedaes llingüístiques.
- Dar orientaciones y normes pa la so escritura.
- Inventariar el so léxicu.
- Promover la so normativización y normalización.
- Velar polos derechos llingüísticos de los asturianos.
- Desendolcar actividaes de formación, investigación y difusión.
- Fomentar los estudios llingüísticos y lliterarios.
- Asesorar a les instituciones públiques y privaes.
- Ellaborar informes y dictámenes sobre materia llingüística.
- Collaborar con organismos culturales y científicos.
- Caltener y arriquecer el patrimoniu llingüísticu d'Asturies.
