L'Academia
El Llar
Portada | L'Academia | El Llar
Monesteriu de San Pelayo, sede actual de l'Academia dende 2010
Ente la so fundación y la seronda de 1983, l'Academia tuvo de celebrar les más de les sos xuntes na Facultá de Lletres de la Universidá d'Uviéu. Tres d'esi periodu de provisionalidá la institución desendolcó la so actividá en dos paraxes emblemáticos d'Uviéu.
A lo llargo de 27 años, ente los meses d'ochobre de 1983 y 2010, l'Academia de la Llingua Asturiana tuvo como llar social el pisu segundu del númberu seis de la cai Marqués de Santa Cruz, cabo El Campo San Francisco. Una oficina con dos espacios públicos asitiada nun edificiu d'estética humilde dientro la so contorna, llevantáu en 1935 y qu'amiesta retayos de dellos estilos arquiteutónicos de la dómina, como'l racionalismu y l'art decó.
Respondiendo a una demanda histórica de la institución, el Principáu d'Asturies tresllada l'Academia de la Llingua Asturiana a una residencia más afayadiza pa les sos actividaes, distribuyida en dos plantes, con cinco espacios públicos y un almacén, nel sector derechu del númberu 10 de la cai L'Águila, dientro del Monesteriu de San Pelayo. Rexíu pola congregación benedictina del mesmu nome, fundóse nel sieglu XI y pasó per delles fases constructives. Asina, por casu, la fachada d'entrada a l'Academia ye del sieglu XVI.
Tres llugares, un llar
Facultá de Lletres
Etapa fundacional. Ente la creación de l'Academia y la seronda de 1983, les xuntes celébrense na Facultá de Lletres de la Universidá d'Uviéu.
Marqués de Santa Cruz
27 años como llar social nel pisu segundu del númberu seis, cabo El Campo San Francisco. Edificiu de 1935, ente racionalismu y art decó.
Monesteriu de San Pelayo
Sede actual, nel sector derechu del númberu 10 de la cai L'Águila. Cinco espacios públicos y un almacén distribuyíos en dos plantes.
Dos edificios, dos histories
1983 - 2010
Primer llar social
Marqués de Santa Cruz, 6
Cai Marqués de Santa Cruz, 6 - Uviéu
Una oficina con dos espacios públicos nun edificiu d'estética humilde, llevantáu en 1935, qu'amiesta retayos del racionalismu y l'art decó de la dómina.
Dende 2010
Sede actual
Monesteriu de San Pelayo
La Cai L'Águila, 10 - Uviéu
Residencia distribuyida en dos plantes, con cinco espacios públicos y un almacén. Monesteriu benedictín fundáu nel sieglu XI; la fachada d'entrada ye del sieglu XVI.