L'Academia
Tresparencia
Portada | L'Academia | Tresparencia
Ámbitu organizativu
Gobiernu
La Xunta de Gobiernu de l'Academia de la Llingua Asturiana, compuesta por cinco miembros, escúéyese cada cuatro años. L'actual Xunta de Gobiernu tará n'activo hasta xunu del 2025.
Collaboración con otres entidaes
Dende'l so entamu, l'Academia vien desenvolviendo alcuerdos y convenios con toa mena d'entidaes, al buscu de llevar alantre oxetivos d'investigación y normalización llingüística.
Marcu xurídicu
Amás de los Estatutos de la Institución, esiste un conxuntu de normes y decretos qu'apiellen direutamente a l'Academia y otres regulaciones de calter llingüísticu que tamín afeuten a l'actividá d'esta.
Atención al públicu
L’Academia de la Llingua Asturiana (ALLA) fai públiques delles canales de contautu, ufiertando la posibilidá d’algamar una atención xeneral y especializada.
Ámbitu económico-llaboral
Presupuestu actual
Ta previstu que l'actividá de l'Academia nel añu 2024 movilice un total aproximau de 377.700 euros. La fonte d'ingresu mayor (79%) correspuénde a la tresferencia corriente del Principau y la masa de gastu más importante ye la que se dedica al personal (53%).
| Previsión d'ingresos | € |
|---|---|
| Tresferencia corriente del Principau d'Asturies | 300.000 |
| Subvención del Ministeriu de Ciencia, Anovación y Universidá | 50.000 |
| Proyeutos en collaboración cola Universidá d'Uviéu | 7.000 |
| Otres collaboraciones | 3.700 |
| Ingresos propios | 17.000 |
| Total | 377.700 |
| Previsión de gastos | € |
|---|---|
| Personal | 199.500 |
| Gastos de funcionamientu | 42.000 |
| Editorial | 72.500 |
| Actividaes | 54.500 |
| Fondu de seguranza | 9.200 |
Secretaría Téunica
La Secretaría Téunica ye'l conxuntu de profesionales que, de xeitu especializáu y coordináu, trabayen al serviciu de la institución y los sos oxetivos.
Convocatories llaborales
Procesu de selección d'un profesional del diseñu editorial y la comunicación, del 19 d'agostu del 2024.
Memories añales
Estes memories resumen, d'añu n'añu y en clave de tresparencia, la información institucional, organizativa, económica y d'actividá de l'Academia de la Llingua Asturiana. Disponibles les correspondientes a 2023 y 2024.
Postrer actualización: 12 de marzu de 2026.